المتحدة للأعلان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخول

 

 محمد سالم عبدالحمن بعشق مصر

اذهب الى الأسفل 
كاتب الموضوعرسالة
Admin
المدير
المدير
Admin


عدد المساهمات : 81
نقاط : 1137545
التتويج الشرفى : 0
تاريخ التسجيل : 19/04/2008
العمر : 35
الموقع : https://www.facebook.com/2LM0TA7EDA

محمد سالم عبدالحمن بعشق مصر Empty
مُساهمةموضوع: محمد سالم عبدالحمن بعشق مصر   محمد سالم عبدالحمن بعشق مصر I_icon_minitimeالثلاثاء مايو 26, 2009 7:31 pm

وبعشق مصر /محمد سالم
وبعشق مصر
وبعشق مصر وترابها ومتمناش اعيش فيها
حلمت كتير بلحظة نور
تنور لى لياليها
حلمت فى يوم اقوم من النوم
وألاقى الخير دا ماليها
كدبت كتير على نفسى وقلت اكيد هتتعدل
وبكرة تروق وتتبدل
وتتغير مأسيها
كدبت كتير على نفسى مع انه الامور بينه
ومش محتاج اعيد فيها
مشيت فيها وانا مخنوق وتايه حتى من نفسى
منيش عاشـــق لأخبــارها
ولا حاسس انا بيها
منيش فرحان ولا زعلان ولا حالها بيعجبنى
ولا بدى اواسيها
مشيت فيها مشيت فيها وانا تايه
بدور فى وشوش الناس
منيش لاقى امل فيها
ولا احساس
وشوش الهم واكلها عيون الدمع ماليها
ولا بتنشد اناشدها ولا بتسمع اغانيها
مشيت فيها
فى شوارعها وضواحيها
مشيت فيها
فى مساكنها وحواريها
مشيت فيها
جنـــوب وشمــــال
منيش لاقى كلام ينقال
منيش شايف غير الاحزان
وناس فى كل يوم بتموت
من القسوة ومن الحرمان
شباب تعبان
ومش لاقى ومل وعود وراها وعود
وشعره شاب من الايام
ولا عنده امل فيها
لا هو عاشق شواطئها
ولا حابب مراسيها
لا هو عايش ولا ميت
ولا تعتبره يوم انسان
ولا شكله تقول فايق ولا برضة ياناس سكران
شباب عايش على الهامش
مهوش تافه ولا طايش
معندوش وقت للأحلام
شباب قرفان
من الدنيا ومن العيشة
سنين عمره وضيعها على التعليم
ودلوقتى على القهوة وفى الشيشة
لكن بحلم
لكن بحلم وبتمنى
اشوف بلادى دى جنة واشوف فيها
اشوف لناس دىضحكتها
شعاع نور مالى سكتها
يناسيهم بلاويها
ضحك واحد قاعد جنبى
وقالى بأمارة أيه
شايف فيها بقع بنبى
فى توب اسود بنبكى عليه
وعارف انه
سارقنى وناهبنى ومضطر انى اقولة يا بيه
وعارف انه
بايعنى وميهموش اعيش ولا اموت
وميهموش يكون لى صوت
وميهموش اموت ما الجوع
ابات مهموم ولا موجوع
اموت فى صف لقمة عيش ولا بنزين
اموت فيها رافع راسى ولامنداسة فى الطين
اموت ببطالة تعبانى بقا لها سنين
اموت من ذل عيشنه ومش لاقيين
اموت ما الغيظ على حالى
وانا ماشى هنا حافى
ولاعيب كورة بيدلع واخد ملا يين
مبيهموش اموت محروق ولا غرقان
فى عبارة واحد صحبة من الاعيان
سافر بره قصاد عينى
بمعرفته بلا تزويق
بلا تعويض ولا تحقيق بلا قصة ولا برهان
ومعرفتش اخد حقى يا ناس علشان
منيش بتعامل هنا فى ارضى
على انى يا ناس انسان
منيش انسان على ارضى ولا فيها واخد حقى
جايز مخزوق لى فيها عين ولا مقطوع لى فيها لسان
منيش عارف
انا فى بلدى ولا فى غابة
انا انسان ولى حقوق ولا طالب هنا احسان
مبيهموش اموت ولا اعيش
مبيهموش غير التهبيش
وكام مليار ورا مليار تروح برة
ولا جمرك بيمنعها ولا تفتيش
مبيهموش اعيش ولا اضيع
مبيهموش غيرانه يبيع
يبيع حتى امل بكرة ويهدى الغاز لاعدئنا
مبيهموش غير التطبيع
سياسة ايه
منيش شايف ولا عارف غير التجويع
ونهب الارض ووالتجميع
بأمارة ايه
بنحلم لسه فيها بخير
ولون وردى ونسمه وطير
بأمارة ايه
منيش عارف وخير بلدى بيتوزع على غيرى
قصاد عينى وانا ساكت وانا شايف
مبتكلمش من جبنى عشان خايف
بقلم /*محمد سالم عبد الرحمن
الرجوع الى أعلى الصفحة اذهب الى الأسفل
https://mota7eda.0wn0.com
 
محمد سالم عبدالحمن بعشق مصر
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
المتحدة للأعلان :: قسم الشعر-
انتقل الى: